“Instagram”-dan yeni xəbər var.Belə ki, foto servis öz şəxsi messencerini sınaqdan keçirməyə hazırlaşır.
“Ictinfo.az” “hitech.newsru.ru”-ya istinadən bildirir ki,“Direct” adlandırılan mobil proqram “Android” və “iOS” mobil platformaları üçün istifadə ediləcək. Hazırda yenilik sınaq kimi dünəndən İsrail, Türkiyə, Uruqvay, İtaliya, Portuqal və Çili ölkələrində istifadəyə verilib. Sınaqlara nə vaxt başlanılacağı bildirilməsə də mütəxəssislərin fikrincə,“Direct” messenceri bütün dünyada əlçatan olacağı təqdirdə proqram “WhatsApp” və “Facebook”-dan sonra üçüncü populyar messenceri olacaq.
Qeyd edək ki,“Direct” 3 əsas bölmədən ibarətdir. Bu bölmə istifadəçiyə şəkil çəkərək onu həmsöhbətlərə göndərmək üçün emal etməyə imkan verir. İkinci bölmə danışıqlar siyahısından, üçüncü bölmə isə istifadəçiyə öz profilini tənzimləməyə imkan verir. Həmçinin “Direct”-dən “Instagram”-ın əsas proqramına birbaşa keçid mümkündür.
Xatırladaq ki, ayrı proqramla mesajların mübadiləsi funksiyasının ayrılması təcrübəsi yeni deyil.Belə ki, 2014-cü ildə “Facebook” özü ayrı proqram şəklində “Messenger”-i istifadəyə verdi.Əvvəlcə bu addım yükləməyə və yeni proqramı qurmağa məcbur edilmiş istifadəçilər tərəfindən tənqid olundu. Ancaq indi “Facebook Messenger”-dən 1,3 milyarddan yuxarı insan istifadə edir.
