Daim istifadəçilərinə yeniliklər gətirməklə xidmət sahəsində önə çıxan “WhatsApp” messenceri bu istiqamətdə işləri davam etdirir. Belək ki,artıq “iOS” əməliyyat sisteminin istifadəçiləri öz media fayllarına fitrlər əlavə etmək imkanı əldə edəcəklər. Artıq şəkil, video çarx və ya gif göndərərkən istifadəçi barmağı ilə fayl üzərindən yuxarı çəkməklə, 5 filtrdən birini seçə biləcək. Bu filtrlərin arasında “açıq”, “ağ-qara”, “soyuq”, “xrom” və “plyonka” filtrləri mövcuddur.
“Ictinfo.az” “appleinsider.ru”-ya istinadən bildirir ki,“iPhone” sahibləri şəkilləri tam albom şəklində göndərə biləcəklər. Bir dəfəyə beş və daha çox şəkil göndərildiyi halda, şəkillər alıcıda avtomatik olaraq qruplaşacaq.
Bundan başqa, tərtibatçılar məlumatlara cavab vermək sistemini daha da sadələşdiriblər. Daxil olan məlumata cavab göndərmək üçün istənilən göndərilən məlumata sağdan yuxarı barmağı aparmaq kifayətdir.
