Əfsanəvi Fin markasına sahib olan “HMD Global” şirkəti “Nokia 8” smartfonunu avqustun 16-da Londonda təqdim etməyə hazırlaşır. Təqdimata saylı günlər qalmasına baxmayarq ilk “Android 7.1.1 Nougat” əməliyyat sistemi ilə təchiz edilmiş smartfon haqqında maraqlı məlumatlar gəlməkdədir.”Ictinfo.az” “rambler.ru”-ya istinadən bildirir ki,”Nokia 8″ “Quad HD” (2560 x 1440 piksel ) təsvir ölçülü 5,3 düym diaqonallı ekran, “Snapdragon 835” prosessoru, 4 giqabayt operativ və 64 giqabayt tutumlu quraşdırılmış yaddaş, 13 meqapikselli qoşa əsas “Carl Zeiss” kamerası ilə təchiz ediləcək. “Android 7.1.1 Nougat” əməliyyat sisteminin idarəetməsi ilə işləyən smartfon dörd- mavi, polad rəngli, qızılı-mavi və qızılı-mis rəngində buraxılacaq. Bu haqda Çin mənbələrinə istinadən Phone Arena yazır.
Həmçinin smartfonun ön kamerası 4K yüksək ayırdetmə dəqiqliyində videonu çəkmək imkanını alacaq.
Qeyd edək ki, “Nokia 8”-in iki sensorlu əsas kamerası şəkilləri ağ-qara və rəngli RGB formatda çəkməyə imkan verəcək.
Qiymətə gəlincə,smartfon Avropa alıcılarına təqribən 520 avroya başa gələcək.
