Hesab.az onlayn ödəmə portalı Qatar Airways ilə birgə yeni lotereya kampaniyasına başlayır. Bu gündən etibarən 15 iyun 2016-cı il tarixinədək dost və tanışlarını hesab.az-da qeydiyyatdan keçməyə dəvət edən hər kəs “Dostunuzu hesab.az-a dəvət edin, Amerikanı Qatar Airways ilə kəşf edin!” lotereya kampaniyasının iştirakçısına çevriləcəklər.
Kampaniya çərçivəsində 3 qalibə Qatar Airways-dən Amerika Birləşmiş Ştatlarına, istənilən istiqamətə gediş və dönüş aviabileti hədiyyə ediləcək.
Lotereyada iştirak etmək üçün www.hesab.az öncəki və ya yeni qeydiyyatdan keçmiş istifdəçilər “Dostunu dəvət et” funkisyasından istifadə edərək, xüsusi link vasitəsilə dost və tanışlarını hesab.az-da qeydiyyatdan keçməyə dəvət etməlidir. Dəvət göndərən isitifadəçi ilkin olaraq hesab.az-da, kampaniya səhifəsinə daxil olub, mobil nömrəsini əlavə etməlidir. Daha öncə mobil nömrəsini əlavə edən istifadəçilərin isə mobil nömərələri avtomatik olaraq qeyd edilir.
Dəvəti qəbul edən istifadəçi də qeydiyyatdan keçdikdən sonra mobil nömrəsini əlavə etməlidir. Əks halda lotereya kampaniyasının iştiakçısı ola bilməyəcək. Daha sonra lotereyada iştirak haqqı qazanmaq üçün minimum 3 ( üç ) AZN ödəniş etməlidir.
Lotereya iştirakçıları yalnız bu xidmətlərdən birinə ödəniş etdikdə lotereya şansı əldə edəcəklər: kommunal, mobil, kabel tv, internet, əyləncə, Naxçıvan ödənişləri. Kampaniyaya bank kreditləri ödənişi, sığorta və kinoteatr biletləri ödənişləri daxil deyil.
Dəvəti qəbul edib, ödəniş etmiş istifadəçi 1 (bir) lotereya şansı qazancaq. Bu halda dostunu dəvət edən istifadəçi də 1 (bir) lotereya şansı qazanır. Hər bir iştirakçı dəvət etdiyi dostuna görə 1 (bir) iştirak haqqı qazanır. Dəvəti qəbul edən şəxslər də dostlarına dəvət göndərib, lotereya şanslarını artıra bilərlər. Qeyd edək ki, dostlarını dəvət etməklə hər bir istifadəçi maksimum sayda şans qazana bilər. Şansların sayında məhdudiyyət yoxdur.
Lotereyanın nəticələri bu ilin may ayının 18-də “GoldenPay” ASC baş ofisində 5 nəfərdən ibarət tiraj komissiyasının qarşısında kompyüter proqram təminatı vasitəsilə təsadüfi yolla müəyyənləşəcək. Qaliblərə bu barədə həmin gün telefon, e-mail və ya yaşadığı ünvana məktub göndərilərək məlumat veriləcək.
Lotereya barədə daha ətraflı məlumatı buradan əldə edə bilərsiniz: https://www.hesab.az/qatar
