Bir neçə il əvvəl, daha dəqiq 2013-cü ildə “Google” şirkəti “Hangouts” messencerinin “Android” versiyasına “SMS” və “MMS” xidmətini əlavə etdi. Bu mesajların və “SMS”-lərin pulsuz göndərilməsi, həmçinin videozənglər üçün proqramdan istifadə etməyə icazə verdi. “Ictinfo.az” “4pda.ru”-ya istinadən bildirir ki, iki il sonra isə “Google”-un “Hangouts”-dan “SMS” və “MMS”-i xidmətini ləğv edəcəyi barədə məlumatlar verildi. Ötən il “Google” bu informasiyanı təsdiq etdi, ancaq dəyişikliklərin daxil etməsi vaxtı haqqında heç nə bildirmədi. İndi məlum oldu ki, “Hangouts”-dan “SMS” dəstəyi ləğv ediləcək.
Bu haqda “Google” “G Suite” administratorlarına məktubla müraciət edib. Məktubda bildirilib ki, 27 martdan “Hangouts” istifadəçiləri “SMS” dəstəyinin dayandırması haqqında mesaj alacaqlar ki, onlar başqa proqramlardan istifadəyə dəyişə bilsinlər.
Məktubda həmçinin dəyişikliyin qüvvəyə minməsinin 22 mayda baş verəcəyi dəqiq göstərilib.
