“Amazon” şirkəti hərəkət zamanı elektrik avtomobillərə enerji dolduran dron istehsalı ilə məşğul olacaq. Artıq “Amazon” yeniliyə patent almaq üçün ABŞ-ın müvafiq qurumuna müraciət edib.
“Ictinfo.az” “dni24.com”-a istinadən bildirir ki,yeni kəşf havada qırıcı təyyarələrin yanacaqla doldurulması üsuluna uyğun hazırlanıb.Yalnız indiki halda, elektrik avtomobilləri pilotsuz dronlar yükləyəcək. Qabaqcadan sinxronlaşdırılan dron uçüş vaxtı xüsusi serverlər vasitəsilə yükün səviyyəsini izləyəcək. Dron əlavə yanacaq doldurması ehtiyacı olduqda avtomobilin damına enməklə yükləmə prosesinə başlayacaq.
Bundan başqa, “Amazon” bu dronu öz enməsi haqqında sürücüləri xəbərdar edəcək səslə təchiz etməyə hazırlaşır.
Patentdə bu texnologiyanı daxili yanma mühərrikiylə təchiz edilmiş avtomobillərin doldurması üçün də istifadə edilməsi göstərilmişdir. Ancaq onlar ən böyük effektivliyi elektrok avtomobillərlə işdə nümayiş etdirəcəklər.
