Məlumdur ki,hazırda populyar “Google”,”Facebook” və “Twitter” kimi internet nəhəngləri Çində xidmət göstərmir.Onların bu ölkədə fəaliyyəti qadağan edilib.”Ictinfo.az” “igate.com.ua” resursuna istinadən bildirir ki,Cenevrədə keçirilən konfrans zamanı Çinin nəzarət orqanlarının nümayəndələri bildiriblər ki, ölkə bazarı bu və başqa qərb xidmətləri üçün yenidən açıla bilər.
“Əgər onlar qayıtmaq istəyirlərsə, onları salamlayır”, – Çinin Kibersahə Administrasiyasının beynəlxalq əməkdaşlıq Bürosunun (CAC) baş direktoru Si Ksiaoksia bildirdi.
Ancaq o belə qayıdışın müəyyən şərtlər daxilində mümükn olacağını bildirib.
“Çin qanunlarına və qaydalara riayət etmək əsas şərtdir. Bu əsas xüsusiyyətdir. Həmçinin onlar Çinin milli təhlükəsizliyinin və milli istehlakçıların maraqlarına heç bir ziyanı gətirməməlidir” – o, əlavə edib.
Keçən il Çin Kommunist Partiyası kibertəhlükəsizlik sahəsində qanunvericiliyi sərtləşdirdi.
“Apple” senzuranın belə ciddi qaydaları ilə razılaşmağa məcbur olub. Nəticədə, şirkət Çində öz mağazasından hökumətin sorğularını təmin etmək üçün VPN vasitəsilə onlarla məşhur proqramı sildi.
Çində iyunda kibertəhlükəsizlik haqqında yeni Milli Qanun qəbul edilib.O, xarici şirkətlərdən ölkənin ərazisində məlumatları saxlamağı və məlumatların yoxlanması üçün qaydaların tətbiq etməyi tələb edir.
