“Google” şirkəti mətni canlı insan kimi oxuyan və səsləndirən yeni “Tacotron 2” sistemini yaradıb.Bildirilir ki, şirkətin mütəxəssisləri bunu neyron şəbəkələr texnologiyasından istifadə etməklə əldə ediblər.
“Ictinfo.az” “VistaNews” saytına istinadən bildirir ki, axtarış nəhəngi artıq “Tacotron 2” sistemini insan danışığı ilə parelel olaraq sınaqdan keçirib və onu canlı insan səsindən fərqləndirmək çox çətin olub.
Məlumata görə,neyron şəbəkələr sayəsində onunu bir cümləni deyib digərinə keçəndə ani dayanması, aksent etmək, sözlərdə vurğu qoymağı və cümlələri düzgün tələffüz etməsi təmin olunur. Eyni zamanda yeni proqram uzun cümlələri səhvsiz demək və aksentlə deyilən sözləri səslə ayırır.
Hazırda “Tacotron 2” qadın səsi olmaqla hələlik ingilis dilində olan mətnləri səsləndirir. Gələcəkdə yeni texnologiyanın “Google Assistant” və “Google Translate” kimi servislərinə tətbiqi nəzərdə tutulub.
