“Google” havada allergiya səviyyəsi haqqında istifadəçiləri xəbərdar edəcək

“Google” havada allergiya səviyyəsi haqqında istifadəçiləri xəbərdar edəcək

“Google” istifadəçiləri havada allergiyanın səviyyəsini izləyə biləcək yeni funksiyanı təqdim etdi. Bildirilirir ki, Amerikada hər beşinci şəxs allergiyalar mövsümü bu simptomdan əzab çəkir.Tədqiqatçılar aydınlaşdırıblar ki, aprel, may və sentyabr aylarında bu xəstəliyə düçar olanlar daha çox olur. İstifadəyə verilən yeni funksiya havada allergenlərin səviyyəsini bilməyə kömək edir.
“Ictinfo.az” “therunet.ru”-ya istinadən bildirir ki,”Google” funksiyasının yaradılmasında “The Weather Channel” meteoroloji şirkəti ilə əməkdaşlıq edib. İstifadəçilər xidmətə abunə olmaqla onların rayonunda allergiyanın səviyyəsi xüsusi yüksək olduqda bununla bağlı xəbərdarlıq alacaq. Şirkət xidmətin ABŞ-dan kənarda nə vaxt tətbiq ediləcəyini açıqlamayıb.
Korporasiya sağlamlıq sahəsində də uğurlu layihələrə imza atmaqdadaır. Bazar ertəsi “Google” xüsusi avadanlıqsız sağlamlıq vəziyyətinin izlənilməsi üçün proqramlar yaradan “Senosis” startapını aldı.

Allergiya – ətraf mühitin allergen adlandırılan bəzi faktorlarının (kimyəvi maddələrin, mikroorqanizmlərin və onların həyat fəaliyyəti məhsullarının, qida maddələrinin və s.) təsiri ilə əlaqədar orqanizmin qeyri-adi (qabarıq) cavab reaksiyasıdır.
Alimlərin tədqiqatlarına əsasən planetimizin hər yeddi adamından biri allergiyaya düçardır, başqa sözlə, gündəlik həyatda rast gəlinən hər hansı bir təsirə qarşı yüksək hissiyata malikdir. Ən çox yayılmış təsiredici amillər – qida məhsulları, bitki mənşəli tozcuqlar və ev tozudur. Bununla yanaşı yüzlərcə digər allergen adlandırılan amillər mövcuddur ki, bunlara dəri məmulatları, heyvan yunu, kəpək, quş lələyi, kosmetika, məişət kimyası, dərmanlar, bəzi bitki yağları, günəş şüası aiddir. Allergenlərin orqanizmə daxil olma yolları müxtəlifdir. Məsələn, onlar orqanizmə dəridən, tənəffüs və qida yolları vasitəsilə keçirlər.