“Sinam” şirkəti “GoMap” elektron xəritə portalında istifadəçilərinə yenilik təqdim etməyə hazırlaşır. “GoMap” layihəsi çərçivəsində portalın yeni versiyasının üzərində işlər davam etdirilir. Şirkətdən verilən məlumata görə,yeni versiya sadə interfeysi və yeni funksionallıqları ilə hər bir istifadəçinin diqqətini cəlb ecədək. Portalın yenilənməsində istifadəçilər də iştirak edir. Bunun üçün şirkətin hazırladığı portalın beta versiyasına http://beta.gomap.az/ saytına daxil olub fikir bildirmək olar.
Xatırladaq ki, “GoMap.az” layihəsi Azərbaycan Mədəniyyət və Turizm Nazirliyinin təşəbbüsü ilə SİNAM şirkəti tərəfindən icra edilir.
“GoMap” elektron xəritəsi Cənubi Qafqaz və Mərkəzi Asiya regionlarında “bulud” texnologiyaları əsasında yaradılmış ilk resurslardan biridir. Xəritədə marşrutun hamarlanması funksiyası, tarix və mədəniyyət abidələrinin fotoları və təsvirləri daxildir.
