Smartfon istifadəçiləri elektron poçt servislərinə cəmi 1% vaxt ayırırlar.Bu smartfon istifadəçiləri arasında aparılan araşdırmadan sonra məlum olub. Araşdırmalar göstərib ki, 13-24 yaşlı gənc smartfon istifadəçiləri yaşı 45-dən artıq olan istifadəçilərə nisbətən messencerlərə 3,5 saat artıq vaxt sərf edirlər. Özü də gənclər yaşlılardan fərqli olaraq ənənəvi elektron poçt xidmətlərindən demək olar ki, istifadə etmirlər. Araşdırmanı aparan «App Annie» analitik şirkəti onu da bildirir ki, mobil əlavələr vasitəsilə ticarət edən istifadəçilərin əksəriyyəti 25-44 yaşlı insanlardır. Buna səbəb həmin şəxslərin ödəmə qabiliyətli olması və artıq onlayn servislərə uyğunlaşmasıdır.
Qeyd edək ki, artıq messencerlər öz kütləviliyinə görə, sosial şəbəkələri də geridə qoymağa başlayıblar. Belə ki, 2016-cı ilin yanvarında ən böyük 4 messencer xidmətinin istifadəçilərinin sayı 2,9 milyard olaraq sosial şəbəkə istifadəçilərinin sayını (2,4 milyard nəfər) üstələyib.
