Dünyada ilk dəfə olaraq Səudiyyə Ərəbistanında robota vətəndaşlıq verilib.
“Ictinfo.az” “lenta.ru”-ya istinadən bildirir ki,vətəndaşlıq ölkənin paytaxtı Ər-Riyadda keçirilən “Future Investment Initiative” konfransı zamanı insanabənzər “Sofiya” adlı robota verilib. Bu hadisə dünyada ilk dəfədir baş verir və çoxlarının böyük marağına səbəb olub.
Sofiya adlı robot buna görə Səudiyyə Ərəbistanı Krallığına təşəkkür edərək “Mən dünyada vətəndaşlıq almış ilk robotam” deyib.
İnsanabənzər robotun yaradıcısı Devid Hanson onu hazırlayarkən britaniyalı aktrisa Odri Hepbernin obrazlarından ilhamlanıb.Qeyd edək ki,insana çox oxşarlığı ilə seçilən robot 60-dan çox hərəkət və emosiyanı təqlid edə bilir.Gözlərinin yerində yerləşdirilən xüsusi kameralar ona ətraf mühitlə kotakt yaratmağa imkan verir.
