Fransadan alimlər qrupu son dərəcə təhlükəli vəziyyətlərin diaqnostikasında kömək edə biləcək həblər formasında termometr yaratdılar.
“Ictinfo.az” “hi-news.ru”-ya istinadən bildirir ki, Fransanın “BodyCap” şirkəti tərəfindən ixtira edilən yeniliyə “e-Celsius” adı verilib. Simsiz qurğu forma və ölçülərinə görə adi həb-kapsulu xatırladır. Belə termometr üç günə qədər insan orqanizminin daxilində qalmaqla hər 30 saniyənin gedişatında pasiyentin bədəninin temperaturu haqqında informasiya göndərəcək. Həb-termometr 25-dən 45 dərəcəyə qədər temperaturları çox aydın qeydə almağa bacarıqlıdır. Bundan başqa, qurğunu müəyyən teperatur həddinə qədər proqramlaşdırmaq olar ki, istilik həmin həddə çatdıqda həyəcanlı şəkildə xəbəri sahibinə göndərsin.
Cihazın ilkin sınaqlarının nəticələri onu insanın hərarətini adi termometrlərdən dəqiq ölçdüyünü göstərib. Smart-həb sağlamlıq vəziyyətini daim izləyən, zəiflədilmiş immunitetə malik olan və infeksiyaların inkişafının diqqəttdə saxlayan şəxslər -yaşlı insanlar, orqanların transplantasiyasından sonra müalicə alan pasiyentlər, immun çatışmamazlığıyla bağlı xəstəliklərlə mübarizə aparan şəxslər üçün son dərəcə lazımlı vasitədir. Qurğunun qiyməti 35-52 avro arasında dəyişir.
