“Android” smartfon istehsalçıları “Apple”-ın səhvini təkrarlamaq niyyətində deyillər-QALMAQAL

“Android” smartfon istehsalçıları “Apple”-ın səhvini təkrarlamaq niyyətində deyillər-QALMAQAL

“Apple” batareyanın daha uzun müddət işləməsi üçün öz smartfonlarının işləmə sürətini bilərəkdən azaltması böyük qalmaqala səbəb olub.Xəyanətlə üzləşdiklərini düşünən istifadəçilərin etirazları digər smartfon istifadəçilərini də düşünməyə vadar edib.İstifadəçilərinin narahatçılığını görən “ICTinfo.az” “ferra.ru” resursuna istinadən bildirir ki,”Motorola” və “HTC” bəyanatlarında belə hərəkət etmədiklərini açıqlayıblar.Şirkətlərin nümayəndələri onların smartfonlarında akkumulyatorun tükənilməsi ilə əlaqədar prosessorların ləngidilməsinin funksiyasının nəzərdə tutulmadığını bildiriblər.Belə bir müraciət “Google”,”Samsung”, “LG” və “Sony”-a da ünvanlanıb.Hələlik adıçəkilən şirkətlərdən heç bir xəbər yoxdur.
Xatırladaq ki,dekabrın əvvəllərində “Apple” şirkəti “iOS” sisteminin son versiyaları qurulmuş öz smartfonlarının (ilk növbədə “iPhone 6”, “iPhone 6s”, “iPhone 7” və “iPhone SE”) işləmə sürətinin azalmasını etiraf etmişdi.İstehsalçı bu yolla vaxt keçdikcə ilkin tutumunu itirən akkumulyator batareyalarının istismar müddətini uzatmaq istəyir. Hər bir yeniləmə smartfonun işləmə sürətini azaldır.
Litium-ion akkumulyatorları vaxt keçdikcə öz xüsusiyyətlərini itirir və temperatur dəyişikliyinə pis uyğunlaşır. Bunun nəticəsində aparatların takt tezliyi azalır.
Akkumulyator batareyasını əvəz etdikdə qurğuların ilkin sürəti geri qayıdır.