Çinin “Baidu” şirkəti Pekindən 100 kilometr uzaqlıqda gələcəyin şəhərini yaratmaq planlarının icrasına başlanılması son mərhələdədir.
“Ictinfo.az” “hi-news.ru” resursuna istinadən bildirir ki,şəhərin tikintisi ilk növbədə süni intellektin texnologiyaları ilə bağlı yeni texnologiyaların sınağı üçün test meydançası kimi nəzərdə tutulmuş yeni “Xiongan New Area” iqtisadi zonasında inşa ediləcək.Genişmiqyaslı şəhərsalma layihəsinin reallaşdırılması bir neçə problemin həllinə hədəflənib. Birincisi, sıx məskunlaşmış Pekin boşaltmaq və ikincisi, ekoloji təmiz və texnoloji şəhəri yaratmaq. Əvvəlcə şəhərin sahəsi 100 kvadrat kilometr təşkil edəcək və gələcəkdə 2000 kvadrat kilometrə qədər genişləndiriləcək. Belə ərazidə 2-2,5 milyona qədər insan yaşayacaq.
Yeni şəhərdə “Baidu”-nun sınaqlarına başladığı ağıllı ictimai nəqliyyatdan və pilotsuz avtomobillərdən istifadə olunmaqla yeni infrastrukturun yaradılması nəzərdə tutulub. Bundan başqa, bir çox şəhər obyekti və kommunikasiyaların idarəetməsini süni intellektin imkanları ilə həyata keçiriləcək.
