Cənubi Qafqazın aparıcı telekommunikasiya və kabel televiziyası operatorlarından olan KATV1 öz şəbəkəsində yayımlanan CHATBOX telekanalının adını dəyişmişdir. Telekanal artıq MYVIDEO TV adı altında yayımlanacaqdır.
MYVIDEO TV həmçinin yeni konsepsiyaya uyğun inkişaf edəcəkdir. Əsasən 15-35 yaş qrupu çərçivəsində teletamaşaçı auditoriyasına ünvanlanan telekanalda yaxın 3 ildə maraq əhatəsinə uyğun müxtəlif yeni telelayihələrin hazırlanması nəzərdə tutulmuşdur. Azərbaycanın teleməkanında gənclərə ünvanlanmış digər telelayihələrdən fərqli olaraq, MYVIDEO TV “əyləncə və fərdi inkişaf” formatlarının sintezini nəzərdə tutmuşdur.
Yaxın zamanlarda yeni formatda olan ilk telelayihə müxtəlif sahələrdə gənc istedadların üzrə çıxarılması və ictimaiyyətə təqdim ediılməsinə xidmət edəcəkdir.
“Azərbaycanda indiyədək tam olaraq gənc auditoriyaya ünvanlanan telekanal yox idi. MYVIDEO TV bu son dərəcə mühüm və televiziya sahəsində perspektivli istiqaməti əhatə etmək niyyətindədir. Məqsədimiz gəncləri yalnız əyləndirmək deyil, həm də müxtəlif sahələr üzrə maraqlı bir formatda maarifləndirməkdir”- deyərək, KATV1-də yeni formatın əsas məqsədini açıqlamışlar.
https://www.facebook.com/myvideotvaz
