Cənubi Koreya mobil operatoru “Korea Telecom” və “Ericsson” şirkətləri 2018-ci ildə keçiriləcək Qış Olimpiya oyunları çərçivəsində qurulan “5G” şəbəkəsinin yoxlanmasına başladılar.
Hər iki şirkət artıq Seul və beynəlxalq aeroportu birləşdirən “Incheon Airport Railway” sürətli dəmiryol xətti boyunca təyin edilmiş 5G-ın baza stansiyaları arasında test sınaqlarını keçirdib.Yoxlama zamanı məlumatların ötürülməsinin pik sürəti 4 Qbit/s təşkil edib.
“Ictinfo.az” “trashbox.ru”-ya istinadən bildirir ki,”5G”-ın test şəbəkəsi 28 QHs tezlikdə çalışacaq və o Core System, vRAN texnologiyalarını dəstəkləyəcək.Yeni şəbəkənin sürətinin hazırda istifadə olunan “4G” şəbəkəsinin sürətindən təxminən min dəfə çox olacağı gözlənilir ki, bu da 800 Mbayt tutumlu faylları 1 saniyəyə yükləməyə imkan verəcək.
“5G” şəbəkəsi dünyada genişlənməkdədir.ABŞ-ın ən iri mobil şəbəkə operatoru olan “Verizon Wireless” şirkəti isə 5G şəbəkəsinin 2017-ci ildə, Avstraliyanın “Telstra” şirkəti isə 2020-ci ildə kommersiya fəaliyyətinə başlayacağını vurğulayıblar.
Öz növbəsində yeni şəbəkəyə keçid mobil telefon istehsalçılarını da yeni texnologiyaya uyğun qurğular buraxmağa məcbuir edir. “Qualcomm” şirkəti telefon istehsalçılarına “5G” modem (Snapdragon X50) texnologiyasını təklif etməyi, növbəti ildə qurğuların sınağına başlamağı planlaşdırır.
Qeyd edək ki, “5G” şəbəkəsi mövcud “4G” şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan “4G” şəbəkəsindən fərqli olaraq milyardlarla qurğunun qoşulacağı “5G” şəbəkəsi məlumatların yüksək sürətlə ötürülməsini, aşağı yubanma dərəcəsini, eləcə də enerjidən az istifadəni təmin edəcək.
