Antivirus proqram təminatı şirkəti “McAfee”-in rəhbəri Con Makafi kibertəhlükələrdən tam qorunacaq yeni smartfon hazırlayıb. Başqa qurğulardan fərqli olaraq bu smartfon komponentlərinin hər birinin söndürülməsi üçün öz fiziki düyməsi olacaq.
O. bu yeniliyi “MGT” şirkəti ilə birgə hazırlayır. “McAfee Privacy Phone” adlandırılan “Android” əməliyyat sistemi ilə təchiz ediləcək, tam təhlükəsiz smartfon 1100 dollar dəyərində olacaq. “Ictinfo.az” “trashbox.ru”-ya istinadən bildirir ki, smartfonun simsiz rabitəsinin,kamerasının və mikrofonunun, o cümlədən akkumulyatorunun söndürülməsi üçün xüsusi fiziki düyməsi olacaq. Həmçinin smartfonda xarici qurğulara IMSI (mobil abunəçinin identifikatoru) giriş əldə etməyə imkan verməyəcək xüsusi texnologiya tətbiq ediləcək.
Ehtimal ki,yalnız təhlükəsizliyin belə metodları istifadəçi məlumatlarının məxfiliyini həqiqətən kibertəhlükələrdən qoruya bilər. Bütün bunlara baxmayarq “McAfee Privacy Phone”-ni tamamilə təhlükəsiz adlandırmaq olmaz, cünki smartfon “Android”-in idarəsi altında işləyir və bir neçə dəfə hakerlərə bu əməliyyat sistemini sındırmağa müvəffəq olub. Ancaq smartfon yaradıcıs bütün deyilənləri rədd edir.
