Smartfonlarda tərcümə sisteminin təqtbiqi ilə müxtəlif millətlərin nümayəndələri bir-biri ilə daha sadə üsulla ünsiyyət saxlamağa başladı, amma bu dil baryerindən tamamilə qurtulmağa kömək etmir. “Microsoft” şirkəti “Skype”-da insanlara müxtəlif dillərdə danışmağa və eyni zamanda bir-biri anlamğa imkan verən sinxron tərcümə funksiyasını əlavə etdi. Honkonqda “Global Sources Startup Launchpad” sərgisində isə real zamanın rejimində başqa insanın danışığını tərcümə etmək qabiliyyətinə malik ,daha çox təəccüblü layihə-“Airbuds Air Translator” qulaqlıqları təqdim edildi.
“Ictinfo.az” “4pda.ru”-ya istinadən bildirir ki,”Airbuds Air Translator” aşağıdakı qaydada işləyirlər: müxtəlif dillərdə danışan iki insan eyni qulaqlıqdan istifadə etməklə bir-biri ilə danışmağa başlayırlar. Qulaqlıqların korpusunda smartfona yönəlmiş “Danışıq” düyməsi var. Hər söz doğma dildə deyilir və qulaqlıqda başqa dildə qarşı tərəfə səslə və çat şəklində ekranda mətnlə görünür. Bu həmsöhbətlərə tərcümənin düzgünlüyünü yoxlamağa icazə verir.
İstehsalçılar iddia edirlər ki, onların platforması rəqiblərlə müqayisədə 42 dil dəstəkləyir. Hal-hazırda qulaqlıqlar problemlərsiz öz funksiyasının öhdəsindən bacarıqla gəlir.
