Çinin “TCL” şirkəti bu ayın sonunda smartfon bazarında böyük canlanmaya səbəb olacaq yeni qurğular satışa çıxaracaq. Məşhur “BlackBerry” brendinin sahibi olan şirkət “KEYone” smartfonunu barmaq izi skaneri ilə də təchiz ediləcək.
“Ictinfo.az” “svopi.ru”-ya istinadən bildirir ki, qurğu üçün əvvəlcədən sifarişlər ayın ortalarından başlanılacaq. “Android” əməliyyat sisteminin idarəetməsi ilə işləyəcək qurğunun digər regionlarda satışına nə vaxt başlanacağı məlum deyil.
BlackBerry KEYone” ən yeni “Android Nougat” əməliyyat sistemi, 1620х1080 piksel təsvir ölçülü 4,5 düymlü ekran, metal korpus və 3505 mA/s tutumlu akkumulyatorla təchiz ediləcək.Bu parametrləri “Qualcomm Snapdragon 625” prosessoru tamamalayacaq.
Smartfon 3 giqabaytlıq operativ, 32 giqabaytlıq quraşdırılmış yaddaşa, eləcə də “microSD” kartı üçün çıxışa malik olacaq. Əsas kamera “Sony IMX378” sensoru ilə təchiz edilib. Ön kamera 8 meqapiksel təşkil edir.
Smartfonun 549 dollara satılacağı bildirilir.
