“Aztelekom” MMC dekabrın 1-dən etibarən təklif etdiyi internet xidmətləri üzrə yenilik edib. Belə ki, “Aztelekom” internet abunəçiləri üçün sürət həddini artırır. İndi abunəçilər 15 AZN ödəməklə 2mbit/s sürət əvəzinə, 3 mbit/s sürət əldə edəcək. Beləliklə, yeni tarif planına əsasən, abunəçilər əvvəlki qiymətə daha sürətli və keyfiyyətli internetdən faydalana biləcəklər.
“Aztelekom” MMC genişzolaqlı internet xidmətinin əhatə dairəsinin genişləndirilməsi və internet keyfiyyətinin artırılması üçün respublikanın regionları üzrə xidməti ərazisində müasir avadanlıqlar quraşdırıb.Nəticədə, bu il “Aztelekom”un internet abunəçilərinin sayı 25% artaraq 250 000 nəfərə çatıb.
