Azercell şirkəti bir müddətdir ki, Wi-Fi vasitəsilə səsli xidmət servisi üzərində işləyir.
Şirkətin prezidenti Vahid Mürsəliyev bildirmişdi ki, yeni texnologiya ölkədə 2016-ci ildə istifadəyə veriləcək.
Azercell artıq Wi-Fi (Voice over Wi-Fi) vasitəsilə səsli xidmətlər servisini istifadəyə vermək istəyir. Hazırda Voice over Wi-Fi servisinin Azercell şəbəkəsində kommersiya istismarına verilməsi prosesi gedir.
Xidmət Azercell abonentlərinə zəngləri Wi-Fi şəbəkəsinə qoşulmaqla həyata keçirməyə imkan verəcək. Servisdən istifadə etmək üçün artıq əlavələrdən yararlanmağa ehtiyac yoxdur. Şirkətə müraciət edərək xidməti aktivləşdirmək kifayət edir. Operatorların şəbəkələrinə edilən zənglərin tarifləri operatorların qüvvədə olan tariflərınə uyğun müəyyənləşdiriləcək.
