Ölkəmizdə ilk dəfə “Python” proqramlaşdırma dili ilə bağlı Azərbaycan dilində kitab nəşr edilib.Nüfuzlu TIOBE Proqramlaşdırma İcmasının məlumatlarına əsasən, “Python” hazırda dünya üzrə ilk “onluq”da yer alan populyar proqramlaşdırma dili sayılır.“Python” dili 1991-ci ildə Guido van Rossum tərəfindən işlənib hazırlanıb. Proqramlaşdırmanın müasir tələblərinə cavab verən bu dil universaldır. Bu gün “Google”, “Intel”, CISCO, “Hewlett-Packard”, “Qualcomm”, IBM və NASA kimi qurumlar bir çox layihələrini Python dilində işləyib hazırlayırlar.
“Python” dili nəinki peşəkar proqramçılar tərəfindən istifadə olunur, eləcə də həvəskarlar, məktəblilər də bu dilin imkanlarından geniş faydalanırlar. Əgər proqramlaşdırmaya yeni başlayırsınızsa, o zaman “Python” dili tam sizə görədir. Bu kitab ali məktəb tələbələri, informatika müəllimləri, orta məktəb şagirdləri və ümumiyyətlə proqramlaşdırmanı öyrənmək istəyən hər kəs üçün nəzərdə tutulub.
