Azərbaycanda mobil rabitə xidmətlərinə lisenziya 10 illik veriləcək

Azərbaycanda mobil rabitə xidmətlərinə lisenziya 10 illik veriləcək

Nəqliyyat, Rabitə və Yüksək Texnologiyalar Nazirliyi tərəfindən Azərbaycanda mobil rabitə xidmətləri ilə bağlı fəaliyyət növünə lisenziya 10 il müddətinə veriləcək.
“Lisenziyalar və icazələr haqqında” qanununa dəyişiklik təklifi Milli Məclisin bu gün keçirilən plenar iclasında müzakirəyə çıxarılıb. Dəyişiklik layihəsinə əsasən, “Dövlət təhlükəsizliyindən irəli gələn hallarla əlaqədar lisenziya tələb olunan fəaliyyət növlərinin siyahısı”na “Sellülar (mobil) rabitə xidmətləri (texnoloji standartın adı göstərilməklə)” fəaliyyət növü əlavə edilir.
Layihə səsverməyə çıxarılaraq qəbul edilib.