Azərbaycanda elektron pul kisəsi istifadəyə verilib

Azərbaycanda elektron pul kisəsi istifadəyə verilib

ExpressPay ödəniş sistemi üzrə Azərbaycanda elektron pul kisəsi istifadəyə verilib. ExpressPay pul kisəsi ilə istifadəçilər günün istənilən saatı mobil telefonları vasitəsi ilə ödəniş edə, həmçinin pul köçürmələri həyata keçirə bilərlər. Bunun üçün telefona “ExpressPay” mobil applikasiyasını yükləmək (Android və iOS əməliyyat sistemləri) və ExpressPay terminalları vasitəsi ilə hesaba vəsait yerləşdirmək kifayətdir.

ExpressPay pul kisəsində avtomatik ödənişlərin və ödənişlər şablonunu yaratmaq da mümkündür. Bundan əlavə aparılmış ödənişlərin tarixçəsi, eləcə də hər əməliyyat üzrə qəbzi görmək və ya elektron ünvana göndərmək mümkündür.