Kompyuter oyunları həvəskarlarının böyük həyacanla izlədikləri Türkiyədə keçirilən “Point Blank” oyunu üzrə mövsüm finalı başa çatıb. Sevindiricidir ki, böyük finalın qalibi Azərbaycan təmsilçiləri olublar. Bu yaxınlarda keçirilmiş kompyuter oyunları üzrə XI Milli Çempionatın final mərhələsində CS:GO növü üzrə ikinci yerə layiq görülmüş “World Judge Esc” komandası yeni qələbəsi ilə azarkeşləri sevindirib.
Qazandıqları bu qələbə sayəsində komandamız həmin növ üzrə oktyabrın 21-22-də Cakarta şəhərində (İndoneziyada) təşkil olunacaq “Point Blank İnternational Championship” növbəti Dünya çempionatına vəsiqə əldə edib.
