Avirtel şirkəti ilə fiziki qüsurluların cəmiyyətə inteqrasiyası üçün yeni start vermiş Disabled Freelance layihəsi əməkdaşlığa başlayıb.
Şirkətdən verilən məlumata görə, layihənin əsas məqsədi Azərbaycandakı fiziki qüsurlu şəxslər üçün məsafədən işləmək, təhsil almaq imkanı təşkil etməkdir.
Əməkdaşlıq çərçivəsində Avirtel şirkəti Disabled Freelance layihəsinin idarə olunması üçün tələb olunan aylıq 5 mbit/s internet hədiyyə edib.
Bundan başqa əməkdaşlıq çərçivəsində Disabled Freelance saytında qeydiyyatdan keçmiş fiziki qüsurlu şəxslər üçün şirkət tərəfindən İKT, Mühasibatlıq, SMM və Rəqəmsal marketinq, onlayn və telefonla Satış kursları təşkil olunacaq, onların işlə təmin olunması üçün şərait yaradılacaq.
