ABŞ-ın “Apple” korporasiyası qısa videoçarxlar çəkməyə və onları redaktə etməyə, həmçinin digər istifadəçilərlə sosial şəbəkələrdə bölüşməyə imkan verən yeni proqram əlavəsi hazırlayır.“Bloomberg”in verdiyi xəbərə görə, “Apple”dan bildiriblər ki, bu sosial şəbəkə funksionallığına görə “Instagram” və “Snapchat”ı xatırladacaq.
Məlumatda deyilir ki, şirkət sosial şəbəkələrin populyarlığından maksimum faydalanmaq niyyətindədir. “Apple” əsasən sosial şəbəkədə gündəlik 50 dəqiqəyə qədər vaxt keçirən gənclərə istiqamətlənir. Şəbəkədə dostlar mətn məlumatları, elektron poçt, videoçarxlar və şəkillər görə biləcəklər. Bu əlavəni ya “App Store”dan yükləmək mümkün olacaq, ya da ki, o, “Apple” cihazlarının kamerasına avtomatik əlavə kimi buraxılacaq.
Bildirilir ki, proqram üzərində “iMovie” və “Final Cut Pro”nun yaradıcı komandası işləyir.
