“Bloomberg” agentliyinin məlumatına görə,”Apple” iyun ayında üç yenilənmiş noutbuk təqdim etməyi planlaşdırır.
“Ictinfo.az” “vistanews.ru”-ya istinadən bildirir ki,bunların “MacBook Pro”, “MacBook Air” və 12 düymlük “MacBook” yeni modifikasiyaları olacağı bildirilir. Adı çəkilməyən mənbələrə əsasən, “Apple”-ın təqdimatı 5-9 iyunda ABŞ-ın Kaliforniya ştatının San-Xose şəhərində baş tutacaq.
Məlumata görə, “MacBook Air” və 12 düymlük “MacBook” yeni prosessorlar alacaq ki, bu texniki xarakteristikaya əhəmiyyətli dərəcədə təsir edəcək.Hazırda “Intel” şirkətini tərəfindən yaradılmış “Kaby Lake”-la işləyən “MacBook Pro”-da yeni prosessorla təmin ediləcək. 
Ekspertlər güman edirlər ki, bu yenilənmə “Microsoft” korporasiyası tərəfindən istifadəyə verilən “Surface Laptop” noutbukuna “HP”-dən sonra birbaşa cavabdır.
Obrazlı şəkildə desək bu şirkətin rəqiblərinə əzələ nümayişidir. Məhz onlar da öz növbəsində “Apple”-ın “MacBook”-a rəqib kimi baxırlar. Qeyd etməyə dəyər ki, “Apple”-ın gəlirlərinin 60 faizi “iPhone”-un payına düşür.
Ümumi gəlirdə “MacBook”-un payı isə yalnız 11 faizdir. Amma “Apple”-ın rəhbərliyi digər qurğuları smartfonun gəlirindən asılı salmaq istəmir. Ona görə də bu istiqamətdə də inkişaf aparmaqla gəlirləri artırmaq fikirindədir.
