Amerikanın “Google” korporasiyası tezliklə “Android 9.0” əməliyyat sistemini(ƏS) təqdim etməyə hazırlaşır. Mütəxəssislər artıq “Nexus” və “Google Pixel” aid proqram kodunun bəzi yeniliklərini açıqlayıblar.
“ICTinfo.az” “dni24.com”-a istinadən bildirir ki,”Android 9.0″ ƏS-i haqqında informasiyaya malik proqramçılar bununla bağlı hazırladıqları məqalədə bəzi elementləri açıqlayıblar. Qeyd edilir ki, yeni ƏS-in rəsmi elanı bu ilin yaz aylarında olacaq. Ehtimal edilir ki,”Google” əməkdaşları yeniliyi “Apple”-ın yeni sistemlərinə paralel təqdim etmək istəmir.
Gözlənilir ki, “Android 9.0” “Google”-un ən sürətli əməliyyat sistemi olacaq.Xüsusi alqoritmin sayəsində proqram vaxtında istifadəçinin ehtiyacları üçün yaddaşı azad etmək üçün proqramların və modulların işini nizama salacaq. Birinci “Nexus” və “Google Pixel” qurğuları yeniliyi alacaq.
