Ölkəmiz Birləşmiş Millətlər Təşkilatının (BMT) ənənəvi olaraq hər iki ildən bir nəşr etdiyi “E-Government Survey 2016” adlı hesabatında əvvəlki mövqeyini 12 pillə artıraraq 68-ci yerdən 56-cı yerə yüksəlib.
Hesabatın builki nəşrində “Elektron Hökumətin İnkişaf İndeksi” və “Elektron-İştirak İndeksi” üzrə BMT-nin 193 üzv ölkəsinin reytinqi müəyyənləşdirilib.
Hesabatda “Elektron Hökumətin İnkişaf İndeksi” üzrə ölkələr ümumilikdə topladığı xala görə 4 qrup üzrə təsnifləşdirilib (çox yüksək, yüksək, orta, zəif).
Qeyd edək ki, “Elektron Hökumət İnkişaf İndeksi”(EGDI) üzrə Azərbaycan əvvəlki hesabatdakı kimi “Yüksək” EGDI ölkələr qrupuna daxil edilib.
• EGDI qrupunda dünya ölkələri arasında Birləşmiş Krallıq liderlik edir. Qeyd edək ki, əvvəlki hesabatda liderlik edən Koreya hazırki hesabatda 3-cü yerdə mövqe tutub. “Elektron Hökumət İnkişaf İndeksi” üzrə 2-ci yerin sahibi Avstraliya olub.
• Qeyd edək ki, reytinq cədvəlində xeyli irəliləyən ölkəmiz MDB regionunda əvvəlki hesabatdakı 7-ci mövqeyindən 4-cü mövqeyə yüksəlib.
• EGDI indeksinə görə MDB ölkələrinin müqayisəsi:
Məlumat üçün bildirək ki, “Elektron Hökumət İnkişaf İndeksi”nin hesablanması zamanı 3 komponent əsas götürülür:
Online xidmət sub-indeksi,
Telekommunikasiya İnrfastrukturu sub-indeksi,
İnsan Kapitalı sub-indeksi.
• BMT-nin sözügedən hesabatında göstərilən ikinci əsas indeksi “Elektron-İştirak İndeksi”dir (E-Participation). Azərbaycan bu göstəriciyə görə dünya ölkələri arasında 30 pillə irəliləyərək 77-ci yerdən 47-ci yerə yüksəlib.
• Azərbaycan həm də bu göstərici üzrə MDB ölkələri arasında əvvəlki 7-ci yerindən 2-ci yerə yüksəlmiş olub.
• Həmçinin məcmuədə “Elektron-İştirak İndeksi” üzrə ən yaxşı performans göstərən top 50 ölkə arasında Azərbaycanın adı qeyd edilib. Bu indeks üzrə meyarlar e-informasiya, e-məsləhət, e-qərarvermə alt göstəricilər əsasında hesablanır.
• “Elektron-İştirak İndeksi”nin sub-göstəriciləri üzrə Azərbaycanın mövqeyi aşağıdakı kimidir.
Qeyd edək ki, hesabatın müvafiq qiymətləndirməsində “Elektron-İştirak İndeksi” üzrə dünya ölkələri arasında Birləşmiş Krallıq liderlik edir. Digər 2-ci yer iki ölkə – Yaponiya və Avstraliya arasında bölüşür. Əvvəlki hesabatda birinci olan Koreya isə bu dəfə 4-cü yerdə qərarlaşıb.
Hesabatla daha ətraflı buradan tanış ola bilərsiniz.
