“iPhone Photography Awards 2016” müsabiqəsinin münsiflər heyəti qaliblərin adlarını açıqlayıb. İPPA saytının məlumatına görə, müsabiqədə “iPhone” smartfonunun müxtəlif modelləri ilə çəkilmiş şəkillər iştirak edib.
Müsabiqənin yeganə məhdudiyyəti “iPhone”un çəkiliş məqsədi üçün istifadə edilməsi olub. Bununla belə, çəkiliş zamanı əlavə ayarlardan istifadə olunması qadağan olunmayıb.
Şəkilin emal olunması da ancaq mobil resurslarda olmalı idi və müsabiqənin şərtlərinə görə, “Photoshop” və ya “Lightroom” professional paketlərdən istifadə qadağan edilib.
İPPA-2016 müsabiqəsinin qalibi “Kişi və qartal” şəkli ilə Syuan Nyu olub. O, həmçinin “İlin fotoqrafı” adını alıb. Ümumilikdə müsabiqəyə 139 ölkədən fotoqrafların bir neçə min iş qəbul edilib.
Qeyd edək ki, bu müsabiqə 2007-ci ildən keçirilir. İKT.lent.az 2016-cı ildə “iPhone” smartfonları ilə çəkilmiş bir neçə yaxşı şəkli oxucularına təqdim edir.
