Tələbəmiz proqramçılar arasında keçirilən beynəlxalq yarışmada 1-ci oldu
May ayının 25-27-si tarixlərində Amsterdam şəhərində 20 mindən çox insanın iştirak etdiyi dünyanın ən böyük İT konfranslarından biri olan “The Next Web 2016” konfransı keçirilib. Həmin konfransın daxilində isə proqramçılar arasında IoT (Internet of Things)- Əşyaların İnterneti mövzusuna həsr olunmuş Hack Battle adlı beynəlxalq hackathon təşkil edilib. Yarışmada ADA Universitetinin Kompüter Elmləri ixtisasının 2-ci kurs tələbəsi Natiq Babayev də iştirak edib. O, poqram təminatı “Without Internet Technology (www.nicapp.me) ”adlı proqram təminatı ilə Uber və CM Telecom tərəfindən 1-ci yerə layiq görülüb.Natiq Babayev bildirib ki, hazırladığı proqram təminatı mobil cihazlarda internetə çıxış olmadıqda belə internet xidmətlərindən istifadə etməyə imkan yaradır:
“Məsələn, internetiniz yoxdur və sizə Uber-dən sürücü sifariş etmək lazımdır. Bunun üçün mobil cihazınızda NIC proqramını açıb offline şəkildə Uber-dən sürücü sifariş edə bilərsiniz. Qeyd edim ki, proqram təminatı arxa planda SMS texnologiyasından istifadə edir və buna görə də hətta 2G şəbəkədə belə siz problemsiz şəkildə Uber sifariş edə, Twitter və Facebook-da hər hansı bir mətn paylaşa, yemək sifariş edə bilərsiniz”.Natiq Babayev bildirib ki, proqramı sınaq mərhələdə (Beta) istifadəyə veriblər.
Aşağıdakı videoda internet olmadan Twitter-də mətn paylaşımı nümunəsini görə bilərsiniz:
