Bəzi mərkəzlər istifadəçilərin telefonuna rahatlıqla daxil olur və şəxsi məlumatları daim təhlükə altında qoyur. Bu səbəbdən istifadəçilər üçün 14000 dollarlıq Solarin adlı telefon hazırlanıb. Sirin Labs tərəfindən hazırlanan ağıllı telefon Android əməliyyat sistemi ilə işləyir, amma onun əsas üstünlüyü Zimperium təhlükəsizlik sistemi və çipdən çipə 256-bit AES şifrələmə təchizatının olmasıdır. Hərbi orqanlarda istifadə olunan bu sistem ilə keçilməz sədd olan Solarin, daha çox həssas məlumatlara sahib böyük iş adamlarına xitab edir. Telefon gücünü Snapdragon 810 prosessordan alır və 5.5 düym iPS ekranda Quad HD keyfiyyətə malikdir. Bundan əlavə 23.8 MP kamera ilə yüksək keyfiyyətli çəkiliş mümkündür.
Qeyd edək ki, telefonu almaq üçün xüsusi pasport məlumatlarının daxil edilməsi lazımdır. Bu yolla da pis niyyətli insanların bu telefona sahib olmasının qarşısı alınacaq.
