iOS 10 hansı yeniliklərlə gələcək?

iOS 10 hansı yeniliklərlə gələcək?

WWDC tədbirinin əsas mövzularında biri sözsüz ki, iOS 10 olacaq. Bəs Apple iOS 10 ilə birlikdə hansı yenilikləri planlaşdırır?

13-17 iyun tarixlərində baş tutacaq WWDC-də təqdim olunacaq yeniliklər barəsində ilkin məlumatları sizlərlə bölüşürük. WWDC 2016, ötən illərdə olduğu kimi, San Francisco, Kaliforniya’da olan Moscone West Konkress Mərkəzində təşkil olunacaq. Tədbir bir çox developerə ev sahibliyi edəcək. Tədbirdə bəhs ediləcək ən önəmli mövzu sözsüz ki, iOS 10 əməliyyat sistemi olacaq. Apple-ın ilk dəfə olaraq iPhone 7 və iPhone 7 Plus modellərinə yüklü halda təqdim edəcəyi iOS 10 bir çox yenilikləri bərabərində gətirir. Bunlara misal olaraq, Apple Music-də olacaq dəyişikliklər, Apple Pay yenilənməsi, App Store üçün yaxşılaşdırmalar, HomeKit-in inkişaf etdirilmiş versiyası, Siri vəApple News üçün yeni əlavə olacaq xüsusiyyətləri göstərmək olar.

Apple bu dəfə telefonların tətbiqlər menyusunda stok tətbiqlərin gizlədilməsi üçün xüsusiyyəti platformaya daxil edəcək. Bundan əlavə Apple-ın keçən il iOS 9-da təqdim etdiyi News xüsusiyyətinə bu dəfə ödənişli abunəlik kimi funksiya əlavə edəcək. Apple News isə artıq bir çox ölkədə dəstəklənəcək.