Bu yaxınlarda sərnişinlər yenidən məsələni gündəmə gətirərərək, problemlə bağlı etirazlarını bildirir.BakuBus sərnişinlər qeyd edir ki, avtobusda Wi-Fi xidmətinin olduğu göstərilsə də, internetə daxil olmaq mümkün deyil.Məsələ ilə bağlı Bakı Nəqliyyat Agentliyinin mətbuat xidmətinin rəhbəri Nuridə Allahyarova bildirib ki, həqiqətən də avtobuslarda hazırda Wi-Fi işləmir.Onun sözlərinə görə, hazırda şirkətdən aslı olmayan səbəblərə görə Wi-Fi xidmətinin aktiv olması gecikir:
“BakuBus-larda Wi-Fi xidmətinin bu il olacağını qeyd etmişdik. Sistem artıq var. Amma xidmətin aktiv olması üçün müəyyən şirkətlər var ki, tenderdə iştirak edir. Wi-Fi sisteminin tam istifadəyə verilməsini tenderi qazanan şirkətin bizə təqdim edəcəyi xidmətin keyfiyyətinə görə təşkil edəcəyik. Biz istəmirik ki, bu sistem zəif təşkil edilsin. Ona görə də tam mükəmməl bir sistem təklif edən şirkətlə müqavilə bağlayacayıq. Sonra xidmətin aktiv olması işinə başlanacaq”.
Nuridə Allahyarova tenderin nə vaxt bitəcəyini və xidmətin aktiv olacağı vaxtın dəqiq məlum olmadığını deyib:
“Hazırda tender davam edir. Biz tenderde iştirak edən şirkətlərin adını açıqlaya bilmirik. Çalışırıq ki, Wi-Fi xidmətini tez bir zamanda istifadəyə verək”.
