“Google” şirkəti “Android” əməliyyat sistemləri üçün bəzi əsas mobil cihazların funksiyalarını səs vasitəsilə idarə olunmasına imkan verən əlavələri sınaqdan keçirir. “The Verge” nəşrinin məlumatına görə, proqram təminatı “Voice Access” adlandırılıb və ilk növbədə əlillər üçün nəzərdə tutulub.Bu proqram təminatı sayəsində əlillər əlavənin köməyi ilə əllərindən istifadə etməyərək, “Android”in əsas elementlərindən istifadə edə biləcəklər. Hazırda əlavə beta-sınaq mərhələsindədir və tezliklə hər bir istifadəçi onu pulsuz olaraq “Google Play”dən əldə edə biləcək.
“Voice Access” əlavələri açmağa, səhifə vərəqləməyə və ekranda seçim etməyə imkan verəcək. Bütün bunlar isə səs vasitəsilə həyata keçiriləcək. Belə ki, istifadəçi “Chrome”u aç”, “Evə yollanmaq” kimi sözləri dedikdə, telefon bütün bu əmrləri əlavə edə bilir.
Bundan başqa, əməliyyat sisteminin istənilən elementinə istifadəçi öz telefon nömrəsini yaza bilər ki, sonradan bu elementlə zəng etmək mümkün olacaq.
Şirkət həmçinin öz məhsullarının bir çoxunun istifadəsinin daha da yaxşılaşdırıldığını elan edib. Artıq tərtibatçılar öz əlavələrində “Accessibility Scanner” – əlçatanlığın skaneri adlı proqramı sınaya bilərlər ki, bu da əlavələrin yaxşılaşdırılması üçün məsləhətlər verə bilər. Məsələn, proqram düymələrin işarələrini böyütməyi və ya ekranın rəngini daha kontrast etməyi məsləhət görə bilər.
Bundan başqa, “Google Docs” proqramı tezliklə səsli redaktənin daha yaxşılaşdırılmış dəstəyinə malik olacaq.
