Yaponiya hökuməti ölkə ərazisində smartfonlar, kredit kartları və nağd ödənişlər etmədən alış-veriş etməyə imkan verən yeni texnologiyanı tətbiq etmək niyyətindədir.“The Japan News” in məlumatına görə, bunun üçün alıcılara daktiloskopik skanerin köməyi ilə ancaq öz şəxsiyyətini idenfikiasiya etmək kifayətdir.
Yeni tərtibat və xidmət pul vəsaitlərinin oğurlanması ilə bağlı cinayətlərin xeyli sayda azaldılmasına imkan verəcək. Çünki insanlar özləri ilə bundan sonra nə kredit kartları, nə də nağd pul daşıyacaqlar. Bu isə çoxlu sayda turistin cəlb edilməsinə səbəb ola bilər.
Plana əsasən, yeniliyin Tokioda 2020-ci ildə baş tutacaq Olimpiada zamanı tətbiqinə başlanılacaq. Təcrübədə ən çox səfər edilən şəhərlərin turistik rayonlarında yerləşən minimum 300 mehmanxana, restoran və suvenir mağazaları iştirak edəcək.
