Fevral ayında “Apple” korporasiyası bildirib ki, uyğun cihaz istifadəçilərinin 77 faizi iOS əməliyyat sisteminin mobil versiyasının 9-cu versiyasına keçib. “ixbt.com” saytının məlumatına görə, iki həftə ərzində – fevralın 22-dən martın 7-nə qədər “iOS 9” əməliyyat sisteminin payı 79 faizə çatıb.Bununla belə, əvvəlki 2 faizi əldə etmək üçün əməliyyat sisteminə bir aydan çox vaxt lazım gəlib. Belə çıxır ki, hansısa səbəblərə görə “iOS 9”-un populyarlığı daha iri templərlə artmağa başlayıb.
“iOS 8” əməliyyat sisteminin bazar payı isə istifadəyə verildikdən bir il sonra, 2015-ci ilin sentyabr ayında 87 faiz uyğun cihazlara yüklənsə də, hazırda 16 faizə bərabər olub. İstifadəçilərin daha 5 faizi isə daha köhnə versiya iOS-ların istifadəçiləridir.
Xatırladaq ki, “Android 6.0 Marshmallow” iOS 9 əməliyyat sistemi çıxdıqdan 3 həftə sonra istifadəyə verilib. Bu günlərdə məlumat vermişdik ki, onun “Android” cihazları bazarındakı payı cəmi 2,3 faiz təşkil edir.
