“CONNECT” internet tariflərində endirim etdi

“CONNECT” internet tariflərində endirim etdi

Connect  şirkəti mart  1-dən etibarən abunəçilərə təqdim olunan internet tariflərində endirim tətbiq edib.

Şirkətdən verilən məlumata görə,  internet xidməti üzrə tariflərdə müvafiq endirim həm ADSL, həm də fiber-optik internet xidmətinə şamil olunub. Göstərilən tarixdən etibarən şirkətin internet xidmətinin abunəçiləri ADSL və fiber-optik internet xidməti üzrə yenilənmiş tariflərlə daha yüksək sürət əldə edə biləcəklər.

Eyni zamanda bu dəyişikliklər şirkətin İnternet+TV xidmətini birlikdə əldə edən abunəçilərinə də şamil olunmuşdur. Yenilənmiş tariflərdən sonra 2 m.bit/s ADSL internet və TV xidməti (Standart paket) birlikdə TV aylıq abunə haqqında 50 faiz endirim tətbiq olunmaqla 17 AZN-ə təqdim olunacaq. Həmçinin abunəçilər digər 4, 6, 8, 10 m.bit/s və s. internet tariflərini seçməklə güzəştli İnternet+TV tarifi çərçivəsində xidmətdən yararlana bilərlər.

Qeyd edək ki, “İnternet+TV xidməti güzəştlə” adlı güzəştli tarif planına əsasən İnternet+TV xidmətini birlikdə əldə edən abunəçilər TV xidməti üzrə aylıq abunə haqqında 50 faizə qədər güzəşt əldə edir.

Yeni tariflər haqda ətraflı məlumatı abunəçilər www.connect.az saytından, 159 Məlumat Mərkəzindən və ya şirkətin sosial şəbəkələrdə mövcud profillərindən əldə edə bilər.