Aprelin 1-dən təyyarədə smartfon akkumulyatorlarının daşınması qadağan ediləcək

Aprelin 1-dən təyyarədə smartfon akkumulyatorlarının daşınması qadağan ediləcək

Beynəlxalq Mülki Aviasiya Təşkilatı (ICAO) aprelin 1-dən etibarən sərnişin təyyarələrində litium-ion akkumulyatorlarının nəqlinə qadağa tətbiq edəcək. Söhbət baqajdan gedir, qadağa əldə aparılan yükdə akkumulyatorlu qurğulara aid deyil. Qadağa “ICAO”-ya üzv bütün 191 iştirakçı ölkəyə şamil olunur.
Baqajda fotoaparat, smartfon və digər elektronikada istifadə edilən akkumulyatorların daşınmasının qadağan edilməsi onların alışa bilməsi təhlükəsinə görə tətbiq edilib.
Qadağa litium-ion akkumulyatorları üçün yeni standart odadavamlı qablaşdırıcı hazırlananadək qüvvədə olacaq.
Müasir sənaye milyardlarla litium-ion batareyası istehsal edir. Onlardan mobil telefon və noutbuklar daxil olmaqla məişət texnikasında, eləcə də digər alətlərdə istifadə olunur.

Müasir, hətta kiçik təyyarələrdə 500-dək litium batareya daşımağın mümkün olmasına baxmayaraq baqaj bölməsində bir reys ilə bəzən on minlərlə belə akkumulyator daşınır.