Turistlərə elektron viza – 2 DƏFƏ TEZ VERİLƏ BİLƏR

Turistlərə elektron viza – 2 DƏFƏ TEZ VERİLƏ BİLƏR

Azərbaycana gəlmək istəyən turistlər üçün elektron vizanın verilmə müddəti 2 dəfə azaldıla bilər. Bu barədə Mədəniyyət və Turizm Nazirliyindən (MTN) məlumat verilib. Qurum bəyan edir ki, bununla bağlı Xarici İşlər Nazirliyi (XİN) ilə birgə iş aparılır. Hazırda turistlərə elektron viza ən geci 10 gün ərzində verilir. Bu müddətin 5 günə endirilməsi nəzərdə tutulub.Aərbaycana viza tələb olunan ölkələrdən turizm məqsədilə gələnlərə elektron vizaların verilməsi 15 martı 2013-cü ildən tətbiq edilir. İndiyə qədər 45 min əcnəbi turist elektron viza alıb.

Elektron vizanın tətbiqində məqsəd ölkəyə səfər etmək istəyən əcnəbi turistlərin rahat və tez bir zamanda turist vizası əldə etməsini təmin etmək, eləcə də turizm şirkətləri tərəfindən turistlərin fərdi və qrup halında səfərlərinin təşkili zamanı tur paketin qiymətinin azaldılması, bununla da ölkəyə turist axınınıb artırılmasıdır.

Elektron turist vizasını Nazirlər Kabinetinin 29 iyun 2015-ci il qərarı ilə təsdiq edilmiş “Turistlərə elektron viza almaq hüququnu əldə etmək üçün Azərbaycanda fəaliyyət göstərən turizm şirkətlərinin akkreditasiyadan keçməsi Qaydası”nın tələblərinə uyğun olaraq, Mədəniyyət və Turizm Nazirliyindən akkreditasiyadan keçmiş turizm şirkətləri verir. Onların siyahısı MTN, XİN və Azərbaycanın xaricdə yerləşən səfirliklərinin internet səhifələrində yerləşdirilir.

Həmin siyahı ilə bu linkdən də tanış ola bilərsiniz:

http://azerbaijan.travel/az/pages/138/