“Teleradio” yeni FM verici istismara verib

“Teleradio” yeni FM verici istismara verib

Azərbaycan Rabitə və Yüksək Texnologiyalar Nazirliyinin “Teleradio” İstehsalat Birliyi yeni FM verici quraşdıraraq istismara verib.
Ölkə ərazisində yayım keyfiyyətinin yüksəldilməsi ilə optimal yayımın təmin edilməsi məqsədilə, Ağsu rayonunda yerləşən Gülüstan radio-televiziya yayım stansiyasında “Teleradio” İstehsalat Birliyi tərəfindən yeni FM verici quraşdırılıb, istismara verilib.
Qeyd edək ki, 5 kVt gücündə, 89,6 MHs tezliyində Xəzər radio proqramlarını yayımlayan FM vericinin istehsalçısı “Vigintos Elektronika” şirkətidir.
Hazırda “Teleradio” DVB-T standartlı rəqəmli televiziya yayım şəbəkəsinin ölkə ərazisində qurulması ilə yeni televiziya yayım standartının tətbiqi, İPTV və OTTV xidmətlərinin təşkili üzərində işləyir.